(روز نامہ قدس ۔آنلائن خبر رساں ادارہ) مجاہدین نے صیہونی فوج کے ایک قافلے پر گھات لگا کر حملہ کیا اور ایک 3 D9 فوجی بلڈوزر اور دو مرکاوا ٹینکوں کو تباہ کرنے میں کامیاب ہوگئے۔
فلسطینی پر قابض غیر قانونی صیہونی ریاست اسرائیل کی مظالم کے خلاف برسرپیکار اسلامی مزاحمتی تحریک حماس کے عسکری بازو شہید عز الدین القسام بریگیڈ کی جانب سے جاری کردہ ایک بیان میں بتایا گیا ہے کہ ان کے مجاہدین نے رفح شہر کے جنوب مشرقی علاقے جارج جنکشن میں گھسنے والی صیہونی افواج کی سپلائی لائن پر پہلے سے تیار گھات سے بھرپور حملہ کیا جس کے نیتجے میں متعدد صیہونی فوجی ہلاک اور زخمی ہوئے۔
"القسام” کی جانب سے جاری بیان میں بتایا گیا ہے کہ مجاہدین نے 3 D9 فوجی بلڈوزر اور دو مرکاوا ٹینکوں کو ال یاسین 105 گولوں اور گوریلا ایکشن بموں کے ساتھ نشانہ بنانے میں کامیاب رہے جس میں متعدد صیہونی فوجیوں کے ہلاک اور زخمی ہونے تصدیق کی ہے۔