غزہ :صیہونی فوج کے حملے میں برطانیہ، آسٹریلیا، امریکہ، کینیڈا اور پولینڈ کے امدادی کارکن ہلاک

(روز نامہ قدس ۔آنلائن خبر رساں ادارہ )   صیہونی فوج نے وسطی غزہ میں غیر ملکی این جی او ورلڈ سینٹرل کچن (ڈبلیو سی کے)  کی گاڑی کو نشانہ بنایا جو امداد کےلئے روانہ ہورہی تھی، حملے میں تین غیر ملکیوں سمیت  امدادی کارکن ہلاک ہوگئے۔

غیر قانونی صیہونی فوج نے گذشتہ روز غزہ کے علاقے دیر البلاح میں امریکہ سے تعلق رکھنے والی غیر سرکاری امدادی تنظیم ورلڈ سینٹرل کچن آرگنائزیشن سے تعلق رکھنے والی ایک کار کو نشانہ بنایا جس کے نتیجے میں  برطانیہ ، آسٹریلیا، امریکہ، کینیڈا اور پولینڈ سے تعلق رکھنے والے امدادی کارکنا ان کا ڈرائیور ایک فلسطینی مترجم، سیف عصام ابو طحہٰ سمیت سات افراد جاں بحق ہوگئے ہیں جس کے بعد تنظیم نے  اپنی امدادی کارروائیاں معطل کر دی گئی۔

فلسطینی وزارت صحت نے ایک بیان میں کہا ہے کہ "سات افراد ہلاک ہوئے، جن  کی لاشیں دیر البلح میں الاقصیٰ شہداء ہسپتال پہنچائی گئی ہیں۔

تنظیم کی جانب سے جاری بیان میں بتایا گیا ہے کہ اسرائیلی فوج کو اپنی نقل و حرکت کی تمام تفصیلات فراہم کی گئی تھیں جس گاڑی پر حملہ کیا گیا اس پر ادارے کا لوگو واضح تھا اس کے باوجود اسرائیلی فوج نے کارکنان کو اپنی بربریت کا نشانہ بنایا۔