(روز نامہ قدس ۔آنلائن خبر رساں ادارہ) غزہ کی 80 فیصد سڑکیں اور بنیادی ڈھانچہ تباہ اور شہر ناقابل رہائش ہوچکا ہے۔
گذشتہ ایک سال سے زائد عرصے سے مقبوضہ فلسطین کےمحصور شہر غزہ پر غیر قانونی صیہونی ریاست اسرائیل کی دہشتگردی جاری ہے، شہر میں وزارت تعمیرات عامہ کی رپورٹ میں انکشاف کیا گیا ہے کہ صیہونی وحشیانہ بمباری سے غزہ کے ایک چوتھائی ملین سے زیادہ مکانات مکمل یا جزوی طور پر تباہ ہو چکے ہیں۔ یہ تمام مکانات ناقابل رہائش بن گئے ہیں اور ہرگزرتے وقت کے ساتھ ان کی تعداد میں مسلسل اضافہ ہو رہا ہے۔
رپورٹ میں بتایا گیا ہے کہ 80 فیصد سے زیادہ سڑکیں اور بنیادی ڈھانچہ مکمل طور پر تباہ ہو چکا ہے۔
اس سے قبل اقوام متحدہ کے ہاؤسنگ ماہر بالاکرشنن راجگوپال نےکہا تھا کہ غزہ کی پٹی میں تباہی پچھلی جنگجو میں نہیں دیکھی گئی اور اس کی مثال یوکرین جنگ میں بھی دکھائی نہیں دی۔
راجا گوپال نے پریس بیانات کے دوران وضاحت کی کہ جنوری 2024ء تک غزہ کے تمام گھروں میں سے 60 سے 70 فیصد کے درمیان تباہ ہو چکے تھے اور شمالی غزہ میں یہ فیصد 82 فیصد مکانات تھے۔
انہوں نے کہا کہ "غزہ کی حالت بہت زیادہ خراب ہے، خاص طور پر شمال میں جہاں تباہی کی شرح 100 فیصد کے قریب ہے۔