(روز نامہ قدس ۔آنلائن خبر رساں ادارہ ) غزہ پر صیہونی دہشتگردی میں اب تک 10 ہزار سے زائد فلسطینی بچے شہید ہوچکے ہیں اور 40 ہزار سے زائد زخمی ہیں۔
اقوام متحدہ کی کمیٹی برائے فلاح و بہبود اطفال کی سربراہ این سکیلٹن نے گذشتہ روز اپنے ایک بیان میں غزہ میں اسرائیلی فوجی کی بربریت کے حوالے سے تفصیلات بتاتے ہوئے کہا ہے کہ غزہ اس وقت بچوں کیلئے دنیا کا سب سے خطرناک علاقہ ہے جہاں ہزاروں بچے اپنی جان سے ہاتھ دھو بیٹھےہیں، شہر میں کوئی بھی بچہ خوف، درد اور بھوک سے محفوظ نہیں ہے۔
انھوں نے بتایا کہ اسرائیلی جارحیت کے بعد سے محصور شہر غزہ میں روزانہ اوسطاً 10 سے زائد بچے ایک یا دونوں ٹانگوں سے محروم ہو رہے ہیں، ہزاروں دیگر نوعیت کی معذوری کا شکار ہورہے ہیں اور بڑی تعداد میں بچے اپنے والدین کو کھو چکے ہیں 28 ہزار سے زائد بچے یا تو یتیم ہوچکے ہیں یا اپنے خاندان سے جدا ہوچکے ہیں‘‘۔