(روزنامہ قدس ۔آن لائن خبر رساں ادارہ) عارف دراغمہ نے بتایا کہ شمالی وادئ اردن میں پہلے بھی 6 غیر قانونی فوجی چوکیاں قائم ہیں اب ایک نئی چوکی کیلیے سڑک پر نشانات لگائے اور گڑھے کھودےگئےہیں۔
مقبوضہ فلسطین میں صہیونی غیر قانونی آبادکاری پر نظر رکھنے والے فلسطینی ادارے کے عہدیدار عارف دراغمہ کی جانب سے ایک بیان میں نشاندہی کی گئی ہے کہ قابض صہیونی حکام مقبوضہ مغربی کنارے میں وادئ اردن میں ایکاور نئی فوجی چوکیکے قیام کی منصوبہ بندی کر رہی ہےجس کے لیے صہیونی آباد کاروں کی جانب سے کارروائیاں شروع کر دی گئیں۔
عارف دراغمہ نے کہا کہ صہیونی فوج کی جانب سے شمالی وادئ اردن میں اس سے قبل بھی 6 غیر قانونی فوجی چوکیاں قائم کی تھیں جس کے بعد یہ ایک چوکی کے لیے سڑک پر نشانات لگائے اور گڑھے کھودے۔
خیال رہے کہ فلسطینی علاقوں میں قائم صہیونی چوکیوں کے ذریعے قابض فوج فلسطینیوں پر اندرونی اور بیرونی رستوں سے گزرنے پر مشکلات کھڑی کر تی ہیں اور غیر ضروری روک ٹوک کے بہانے تشدد کا نشانہ بناتی ہے دوسری جانب ان فوجی چوکیوں کے نزدیک علاقے کے فلسطینی چرواہوں پر مویشی چرانے پر بھی پابندی عائد ہے۔