(روزنامہ قدس ۔آن لائن خبر رساں ادارہ) فلسطینی تنظیم نے کہا ہے کہ اس اشتعال انگیزحملے اورنفرت انگیز الزامات کے ذریعے، فرانسیسی صدر میکرون اور ان کی حکومت کی فلسطین کے ساتھ یکجہتی کی ہرتحریک کو خاموش کرانےکی کوشش ہے۔
عالمی ذرائع ابلاغ کے مطابق فرانسیسی صدرعمانوئل میکرون نے صہیونی ریاست اسرائیل دوستی کے نتیجے میں جنوب مغربی شہر ٹولوز فلسطینی سرگرم ایسوسی ایشن کوتحلیل کر دیا ہےجس کے خلاف مقبوضہ فلسطین میں فلسطینیوں کے حقوق کے لیے کام کرنے والی تنظیم نے فرانسیسی حکومت کے اس فیصلے کی مذمت کی ہے۔
فلسطینی تنظیم نے کہا ہے کہ اس اشتعال انگیزحملے اورنفرت انگیز الزامات کے ذریعے، فرانسیسی صدر میکرون اوران کی حکومت کی فلسطین کے ساتھ یکجہتی کی ہرتحریک کو خاموش کرانے اور اسرائیل کے لیے فرانس کی غیرمشروط حمایت اور بغیر کسی جوابدہی کے فلسطین کی استعمار کو جاری رکھنے کی کوشش اور فلسطینی عوام کے ساتھ یکجہتی کی تحریک کومجرم قرار دینے کا ایک اور قدم ہےجس میں صہیونی نوآبادیاتی اور نسل پرستانہ مخالف تنظیموں کو پہلے سے کہیں زیادہ نشانہ بنایا جارہا ہے۔
رپورٹ کے مطابق ایسوسی ایشن کو تحلیل کرنے کا فیصلہ ایک حکومتی حکم نامے میں آیا جس میں لیگ کو تحلیل کرنے کے فیصلے کی وجوہات بھی شامل تھیں اور دعویٰ کیا گیا ہے کہ ایسوسی ایشن کے پاپولر فرنٹ فار دی لبریشن آف فلسطین کے ساتھ براہ راست روابط ہیں جس کے باعث یہ اقدامات کیے گئے ہیں۔