(روز نامہ قدس ۔آنلائن خبر رساں ادارہ ) صہیونی فورسز انتظامی حراست کی غیر قانونی پالیسی کے تحت خواتین اور بچوں سمیت فلسطینیوں کو قید کرکے انسانی حقوق کی بدتین خلاف ورزیاں کررہی ہے۔
فلسطینی ذرائع کے مطابق غیر قانونی صہیونی ریاست کی نام نہاد سیکیورٹی فورسز نے گذشتہ روز مقبوضہ بیت المقدس سے تین فلسطینی نوجوانوں محمد ہاشم السلمیح کو باب العمود اور دو نوجوانوں صالح فخوری اور محمد ابو فرح کو مقبوضہ بیت المقدس کے علاقے باب الاسباط سے اغوا کیا جبکہ برزیت یونیورسٹی کے ایک طالب علم قاسم دیلنی کو سلفیت کے شمال مشرق میں کیرا گاؤں سے اس وقت اغوا کیا جب وہ فوجی چیک پوسٹ کے پاس سے گزررہا تھا۔