(روزنامہ قدس ۔آن لائن خبر رساں ادارہ) جنرل اکرم الخطیب کی سربراہی میں ابوعاقلہ کےقتل کے واقعے کی تحقیقات کے نتائج کا اعلان کیا گیااورنتائج کے مطابق جنین میں فائرنگ صرف قابض فورسز کی جانب سے کی گئی تھی جس کا مقصد صحافی خاتون کو قتل کرنا ہی تھا۔
عالمی ذرائع ابلاغ کے مطابق مقبوضہ فلسطین میں جنین کے مقام پرقابض اسرائیلی فوج کی فلسطینیوں پر حملے کی کووریج کے دوران گولی لگنے سے فلسطینی خاتون صحافی شیریں ابو عاقلہ کی شہادت کی تحقیقاتی رپورٹ کے مطابق الجزیرہ نیوز چینل کی صحافی شیرین ابوعاقلہ صہیونی فوج کی فائرنگ سے شہید ہوئی ہیں ۔
تحقیقاتی رپورٹ کے منظر عام پر آنے کے بعد فلسطینی اتھارٹی کی جانب سے اسرائیل کے کلاف شدید مذمتی بیان جاری کیے گئے ہیں جس میں اتھارٹی نےشیرین کی شہادت کو اسرائیل کے سوچے سمجھے منصوبے کے نتیجے میں قتل کی سازش قرار دیا ہے اور امکان ظاہر کیا ہے کہ صہیونی حکام صحافی خاتون کے حوالے سے اس رپورٹ کو ہی متعصبانہ اوربے بنیاد قراردے کرمسترد کر دے گا۔
واضح رہے کہ ایک روز قبل فلسطینی اتھارٹی کے اٹارنی جنرل اکرم الخطیب کی سر براہی میں مقبوضہ مغربی کنارے کے شہررام اللہ میں ایک نیوزکانفرنس میں ابوعاقلہ کے قتل کے واقعے کی تحقیقات کے نتائج کا اعلان کیا ہےاور نتائج کے مطابق جنین میں فائرنگ صرف قابض فورسز کی جانب سے کی گئی تھی جس کا مقصد صحافی خاتون کو قتل کرنا ہی تھا۔