(روزنامہ قدس ۔آن لائن خبر رساں ادارہ) فلسطینی اسیران کاساتھ دیتے ہوئے اب مجیدو جیل میں بھی بیمار فلسطینی اسیران نے احتجاج میں حصہ لیاہے اورادویات کا بائیکاٹ کرنے کا فیصلہ کرتے ہوئے تمام بے گناہ قیدیوں کی فوری رہائی کے مطالبے پر زور دیا ہے۔
تفصیلات کے مطابق مقبوضہ فلسطین میں صہیونی جیلوں میں قید تقریباً 500 فلسطینی انتظامی حراست کی غیر قانونی پالیسی کے خلاف مسلسل 48ویں روز بھی صہیونی فوجی عدالتوں کا بائیکاٹ جا ری رکھے ہوئے ہیں اور ان کا احتجاج بغیر کسی الزامات یا مقدمے کے اپنی غیر معینہ مدت تک حراست میں رکھے جانے کے صہیونی قانون کے خلاف ہے۔
فلسطینی قیدیوں کی وکالت کرنے والےمقامی گروپوں نے کہا ہے کہ صہیونی عدالتوں کے خلاف فلسطینی اسیران کا یہ بائیکاٹ گذشتہ ماہ 1 جنوری 2022 سےشروع ہوا تھا جس میں تقریباً 500 سے زائد فلسطینی قیدی شامل تھے اور اب مجیدو جیل میں قید بیمار فلسطینی اسیران کی جانب سے بھی اس احتجاج میں حصہ لیا گیا ہے اور اسیران نے ادویات کا بائیکاٹ کرنے کا فیصلہ کرتے ہوئے تمام بے گناہ قیدیوں کی فوری رہائی کے مطالبے پر زور دیا ہے۔
واضح رہے کہ صہیونی ریاست اسرائیل میں فلسطینیوں کے خلاف جیل کی پالیسی میں حالیہ برسوں میں مزید توسیع ہوئی ہےاور مرد و عورت کی تفریق کے بغیر اس میں خواتین، بچے اور بوڑھوں کو بھی شامل کیا گیا ہے۔