(روزنامہ قدس ۔آن لائن خبر رساں ادارہ) احمد الدیک نے کہا ہے کہ حکومت یوکرین میں موجود فلسطینی برادری کی مدد کیلیے حالات پر گہری نظررکھے گی تاکہ جنگی حالات میں دشواریاں اٹھانے والے دیگر لوگوں کے درمیان فلسطینی کمیونٹی کو محفوظ بنایا جا سکے۔
ذرائع کے مطابق فلسطینی اتھارٹی کےامور خآرجہ اور تارکین وطن کے وزیر کے سیاسی مشیراحمد الدیک کی جانب سے یوکرین اور روس کے مابین آٹھ روز سے جاری جنگی صورتحال سے پریشان فلسطینیوں کو محفوظ مقامات تک پہنچانے کے لیے چار اہم کرائسس سیلز بنائے جانے کا اعلان کیا گیا ہے۔
احمد الدیک نے اپنے بیان میں کہا ہے کہ حکومت یوکرین میں موجود فلسطینی برادری کی بھرپور طریقے سے مدد کرے گی اور ان کے حالات پر گہری نظررکھی جائے گی تاکہ جنگی حالات میں دشواریاں اٹھانے والے دیگر لوگوں کے درمیان فلسطینی کمیونٹی کو محفوظ بنایا جا سکے۔ ان کا کہنا تھا کہ یوکرین میں ہمارے طلبا کی بڑی تعداد موجود ہے جن کا ہرحال میں تحفظ کیا جائے گا۔
انہوں نےکہا کہ یوکرین میں شہریوں کے انخلاء کا عمل چوبیس گھنٹے جاری رہتا ہے، جبکہ اس سلسلے میں قائم کرائسز سیل کی براہ راست فیلڈ نگرانی کی جا رہی ہےجو فلسطین کے سفیر، سفارت خانے کے عملے، کمیونٹی رہنماؤں، جنرل یونین کے عہدیداروں کے درمیان مکمل شراکت داری اور رابطہ کے ساتھ جاری ہے۔