(روزنامہ قدس ۔آن لائن خبر رساں ادارہ) احتجاجی مہم کا حصہ بننے والے فلسطینی اسیران کا مزید کہنا ہے کہ اگر صہیونی حکمرانوں نے ہمارے مطالبات تسلیم نہ کیے تو قیدیوں کی جانب سے احتجاجی بھوک ہڑتال کا اعلان کیاجائے گا۔
تفصیلات کے مطابق مقبوضہ فلسطین میں صہیونی جیلوں عرصہ دراز سے قید کی صعوبتیں جھیلنے والے فلسطینی اسیران کی جانب سے اسرائیلی قابض فوج کے ہاتھوں بلا جواز گرفتاریوں کے خلاف جاری احتجاج کے نتیجے میں 500 قیدیوں کا اسرائیلی غیر منصفانہ عدالتوں کےخلاف بائیکاٹ 95 ویں روزمیں داخل ہو گیا ہے۔
فلسطینی قیدیوں کا یہ بائیکاٹ جاری ہے اھتجاج کا حصہ بننے والے اسیران کی تعداد میں روز بروز اضافہ ہورہا ہے جبکہ وہ بیمار اسیران بھی بائیکاٹ میں شامل ہو چکے ہیں جنہیں ذیابیطس، بلڈ پریشر اور دل کے امراض ہیں، ان قیدیوں کا کہنا ہے کہ جب تک صہیونی جیلوں سےبغیر کسی الزام یا مقدمے کے قید ان بے گناہ فلسطینیوں کو رہائی نہیں دی جاتی ہم اپنے مطالبے کو جاری رکھتے ہوئے احتجاجی طور پرصہیونی جیل کی کلینک سےبرائے نام حاصل علاج کی سہولتوں کا بھی بائیکاٹ جاری رکھیں گے۔