(روزنامہ قدس ۔آن لائن خبر رساں ادارہ) فلسطینی ہلال احمر نے بتایا کہ شاہراہ الشلالہ اور پرانے بیت المقدس کی گلیوں میں فلسطینیوں اورصہیونی فوج کے مابین تصادم میں شرانگیز آبادکاروں نے بھی لاٹھیوں اور تیز دھار آلات سے نہتے شہریوں پرحملہ کیا۔
تفصیلات کے مطابق گذشتہ روزاسرائیلی قابض فوج نے مقبوضہ فلسطین شہر رام اللہ کےایک قصبے کفر مالک پر دھاوا بول دیااور لوٹ مار سمیت فلسطینی شہریوں پر وحشیانہ تشدد کیا اور انہیں گرفتار کرکے نامعلوم مقام پر منتقل کر دیا۔
دوسری جانب غرب اردن کے جنوبی شہر الخلیل میں بھی قابض صہیونی فوج شاہراہ شلالہ کے نزدیک جھڑپوں میں درجنوں فلسطینیوں کوبراہ راست گولیوں کا نشانہ بناکر زخمی کیا جن میں ایک فلسطینی نوجوان زید العمر کو نازک حالت میں ہسپتال لایا گیا ہے۔
موقع پر موجود فلسطینی ہلال احمر نے بتایا کہ شاہراہ الشلالہ اور پرانے بیت المقدس کی گلیوں میں فلسطینیوں اورصہیونی فوج کے مابین تصادم میں شرانگیز آبادکاروں نے بھی لاٹھیوں اور تیز دھار آلات سے نہتے شہریوں پر حملہ کیا جس کے نتیجے میں درجنوں فلسطینی زخمی ہو گئےجبکہ قابض فوج نے فلسطینی کو ٹانگ میں گولیاں ماریں جسے ہلال احمر فلسطین کے امدادی کارکنوں نے ابتدائی طبی امداد فراہم کرنے کے بعد ہسپتال منتقل کردیا ہے۔