(روز نامہ قدس ۔آنلائن خبر رساں ادارہ ) فلسطینی مجاہدین نے صیہونی دشمن کے خلاف 174 کارروائیاں کیں جبکہ صیہونی دشمن نے اس دوران سات فلسطینیوں کو شہید کیا۔
غیر قانونی صیہونی ریاست اسرائیل کے میڈیا ذرائع نے دعویٰ کیا ہے کہ فلسطینی مزاحمت کاروں نے گذشتہ ایک ماہ کے دوران اسرائیلی فوج اور غیر قانونی صیہونی آبادکاروں پر 174 مزاحمتی کارروائیاں کی جس میں ایک صیہونی ہلاک جبکہ چار زخمی ہوگئے، دوسری جانب صیہونی دشمن کی کارروائیوں میں سات فلسطینیوں کو شہید کردیا گیا۔
رپورٹ میں بتایا گیا ہے کہ فلسطینی مزاحمت کاراسرائیلی فوج کے ایک جاسوس طیارے کو مار گرانے میں کامیاب ہو گئے اور قابض فوج سے تعلق رکھنے والی بکتر بند 5 گاڑیوں اور فوجی ساز و سامان کو تباہ کر دیا۔
شہریوں نے آبادکاروں کے 15 حملوں کا جواب دیا، جب کہ اس عرصے میں سنگ باری کی 43 کی کارروائیاں، 6 مولوٹوف کاک ٹیلز، اور 5 دھماکہ خیز آلات دیکھے گئے۔
معطی سینٹر نےاپنی رپورٹ میں بتایا کہ گذشتہ ایک ہفتے کے دوران فلسطینی علاقوں میں 6 مقامات پر احتجاجی مظاہرے ہوئے۔ 68 پوائنٹس میں تصادم کےواقعات ہوئے۔ فوجی تنصیبات اور گاڑیوں کو نذرآتش کیے جانے کے وقعات ریکارڈ کیے گئے۔