(روز نامہ قدس ۔آنلائن خبر رساں ادارہ ) حماس کے سربراہ کا کہنا ہے کہ صہیونی زندانوں میں قید فلسطینی قیدیوں کی رہائی کسی ایک پارٹی کا مسئلہ نہیں یہ فلسطین کا قومی مسئلہ ہے۔
مقبوضہ فلسطین میں غاصب صہیونی ریاستی دہشتگردی کے خلاف برسرپیکار اسلامی مزاحمتی تحریک حماس کےسیاسی شعبے کے سربراہ اسمعاعیل ھنیہ نے ترکی کے شہر استنبول میں نیوز کانفرنس کے دوران فلسطینی مزاحمت کاروں کو سلام پیش کیا ، انھوں نے مزاحمت کو شمشیر یروشلم کانام دیا ہے اور فلسطینی قیدیوں کے لیے ہر محاذ پرلڑنے کا اعلان کرتے ہوئے کہا ہے کہ مقدس شہر کے دفاع کی جنگ اور دوسری جنگوں کے تیار ہے تاکہ صہیونی زندانوں میں قید فلسیطنیوں کی مدد کی جاسکے۔
یہ بھی پڑھیے
فلسطین کےسابق نائب وزیراعظم پر قاتلانہ حملہ ، اسماعیل ھنیہ کا فون ،خیریت دریافت کی
حماس سربراہ نے کہا کہ ‘ اسرائیلی جیلوں میں قیدیوں کا معاملہ کسی ایک خاص گروہ، جماعت یا فرقے کا مسئلہ نہیں ہے بلکہ یہ قومی مسئلہ ہے۔ فلسطینی شہری جہاں بھی ہیں وہ فلسطینی قیدیوں کے ساتھ یکجہتی کے لیے کھڑے ہیں۔
ان قیدیوں کا سوال ہم سب کو اکٹھا کر دیتا ہے۔ اسماعیل ہنیہ نے مزید کہا ۔ فلسطینی قیدیوں کے حوالے سے عالمی برادری کی انسانی بنیادوں اور اخلاقی بنیادوں پر ذمہ داریاں ہیں۔ اسے وہ ذمہ داریاں پوری کرنی چاہییں ۔ فلسطینی قیدی اسرائیلی جیلوں میں بد ترین حالات سے دوچار ہیں اورانتہائی مشکل میں ہیں۔