(روز نامہ قدس ۔آنلائن خبر رساں ادارہ ) صیہونی زندانوں میں اس وقت پانچ ہزار سے زائد فلسطینی قید ہیں جن میں 150 سے زائد بچے ہیں جن میں سے اکثریت کی عمریں اٹھارہ سال سے بھی کم ہیں۔
غیر قانونی صہیونی ریاست اسرائیل کی سیکیورٹی فورسز نے گذشتہ روز ضلع سلوان سے چار فلسطینی بچوں کو گرفتار کرلیا ۔رواں سال سے فلسطینی بچوں اور نوجوانوں کی گرفتاریوں کی حکمت عملی میں تیزی دیکھنے میں آ رہی ہے۔
مقامی ذرائع کا کہنا ہے کہ مزاحمت کاروں کی جانب سے اسرائیلی فورسز کو روزانہ کی بنیاد پر بلاخوف نشانہ بنائے جانے پر صیہونی سیکیورٹی فورسز جھلاہٹ کا شکار ہے اور اس کا ردعمل وہ فلسطینیوں کے گھروں میں لوٹ مار کرکے مکینوں کو تشدد کا نشانہ بنا کر اور فلسطینیوں کو گرفتار کرکے دے رہے ہیں ، ان گرفتاریوں میں خاص طورپر نشانہ فلسطینی بچے ہیں ۔
مقامی ذرائع نے بتایا کہ صیہونی فورسز نے رواں سال کے آغاز سے محض دو ہفتوں کے دوران 28 فلسطینی بچوں کو گرفتار کیا ہے جن میں سے اکثریت پر سنگین الزامات لگائے گئے ہیں۔