(روز نامہ قدس ۔آنلائن خبر رساں ادارہ ) ظلم کا نظام ہمیشہ قائم نہیں رہ سکتا اور شہدا ء کی قربانیاں رائیگاں نہیں جاتیں ، جلد یا بدیر فلسطین فلسطینیوں کا ہی ہونا ہے ارض مقدس کو صہیونی پنجوں سے آزاد کرالیں گے۔
مقبوضہ فلسطین میں صہیونی ریاستی دہشتگردی کے خلاف برسرپیکار اسلامی مزاحمتی تحریک حماس کی بیرون ملک قیادت کے رکن ہشام قاسم نے فلسطینی عوام کی صہیونی ریاستی دہشتگردی کے سامنے عزم و ہمت سے ڈٹے رہنے کو خراج تحسین پیش کرتے ہوئے کہا کہ کہ ظلم ہمیشہ جاری نہیں رہ سکتا ہے۔
فلسطینی عوام کے حق خود ارادیت کے حوالے سے اقوام متحدہ کی جنرل اسمبلی میں بھاری اکثریت سے منظور کی گئی قرارداد کے حوالے سے اپنے بیان میں انھوں نے کہا کہ ظلم کی سیاہ رات کو مٹنا ہی ہوتا ہے ،قابض صہیونی ریاست کتنا ہی ظلم کیوں نا کر لے جلد یا بدیر فلسطین فلسطینیوں کا ہی ہونا ہے انھوں نے کہا کہ شہدا ء کی قربانیاں رائیگاں نہیں جاتیں ہم ارض مقدس کو صہیونی پنجوں سے آزاد کرالیں گے۔