نابلس: فلسطینی شہداء کا بدلہ ضرور لیا جائے گا، حماس کا اعلان

(روز نامہ قدس ۔آنلائن خبر رساں ادارہ )  صہیونی فوج نے نابلس میں  معصوموں کا قتل عام کیا ناجائز ریاست کو جرائم کا خمیازہ بھگتنا پڑے گا ، حماس شہداء کا خون رائیگاں نہیں جانے دے گی۔

مقبوضہ فلسطین میں قابض صہیونی ریاستی دہشتگردی کےخلاف برسرپیکار اسلامی مزاحمتی تحریک حماس نے مقبوضہ بیت المقدس  کے شہر نابلس میں غاصب صہیونی فوج کے ہاتھوں شہید ہونے والے فلسطینیوں کے حوالے سے اپنے بیان میں انتقام کا اعلان کرتے ہوئے کہا ہے کہ فلسطینی عوام نابلس میں کیے گئے قتل عام کا جواب دینے کا حق محفوظ رکھتے ہیں تاکہ قابض اسرائیلی ریاست کو اس کے جرائم کا خمیازہ بھگتنا پڑے گا۔

یہ بھی پڑھیے

نابلس پر غاصب اسرائیلی فوج کا حملہ، 3 فلسطینی شہید، درجنوں زخمی

بیان میں کہا گیا ہے کہ فلسطینیوں کا خون راائیگاں نہیں جانے دیں گے۔ بلکہ شہدا کا خون ہماری اندر انقلاب کی تڑپ کو مزید بڑھائے گا۔ شہیدوں کا یہ خون قابض اسرائیل کو ہر وقت اور ہر جگہ پریشان کرتا رہے گا۔

 حماس نے شہید ہونے والے فلسطینوں کو نابلس کے ہیروز قرار دیا اور انہیں خراج تحسین پیش کرتے ہوئے کہا کہ انہوں نے بہادرانہ انداز میں شہادت قبول کی ۔

خیال رہے نابلس میں دو فلسطینی مجاہدین اور ایک بچہ اسرائیلی قابض فوج کے وحشیانہ ریڈ کے دوران منگل کی صبح شہید ہوئے ہیں۔ان کے علاوہ درجنوں فلسطینی شہری اسرائیلی فوج کی فائرنگ سے زخمی ہو گئے ہیں۔