(روز نامہ قدس ۔آنلائن خبر رساں ادارہ ) اسرائیلی فوج کی جانب سے فلسطینیوں کے خلاف کارروائیوں میں اضافے کے ساتھ ساتھ مزاحمتی کارروائیوں میں بھی غیر معمولی شدت آئی ہے۔
صہیونی ریاست کے معروف اخبار یدیعوت احرنوت کے مطابق گذشتہ مقبوضہ بیت المقدس کے شہر رام اللہ کے شمال میں قائم غیر قانونی صہیونی بستی بیت ایل میں فلسطینی نوجوانوں نے اسرائیلی فوج کی بس پر پتھراؤ کیا جس کے باعث بس کے شیشے ٹوٹ گئے تاہم کسی جانی نقصان یا کسی کے زخمی ہونے کی اطلاعات موصول نہیں ہوئیں۔
دوسری جانب فلسطینی نوجوانوں نے مقبوضہ مغربی کنارہ کے شہر قلقیلیہ میں قائم صہیونی بستی الفی میناشے پر بھی پتھراؤ کیا جس سے ایک صہیونی آبادکارخاتون کے زخمی ہونے کی اطلاع ملی ہے۔