(روز نامہ قدس ۔آنلائن خبر رساں ادارہ ) شہید فلسطینیوں کی نماز جنازہ میں شہریوں کو روکنے کے خلاف فلسطینی نوجوانوں نے صہیونی فورسزکے خلاف احتجاجی مظاہرہ کیا جس کو منتشر کرنے کے لئے غاصب فورسز نے طاقت کا استعمال کیا۔
تفصیلات کےمطابق گذشتہ روز صہیونی ریاستی دہشتگردی میں شہید ہونے والے تین فلسطینیوں کی نماز جنازہ کی ادائیگی کی تیاریاں جاری تھی کہ اس دوران صہیونی فورسزنے شہریوں کو شہید کے جنازوں میں شرکت کرنے سے روک دیا جس کے بعد جھڑپیں شروع ہوئیں ۔
فلسطینی مزاحمتی نوجوانوں نے بیت لحم اور تاریخی شہر الخلیل میں غاصب یہودی آباد کاروں کی گاڑیوں پر تھراو کیا جس سے آبادکاروں کی کئی کاڑیوں کو نقصان پہنچا، عبرانی نیوز چینل 12 کی رپورٹ کے مطابق بیت لحم کے جنوب میں واقع "معالیہ آموس” بستی کے قریب پتھراؤ سے ایک صہیونی آبادکار خاتون بھی زخمی ہوئی۔