فلسطینی مزاحمت کاروں کی صہیونی فوج سے جھڑپیں، متعدد زخمی

(روز نامہ قدس ۔آنلائن خبر رساں ادارہ ) صہیونی فوج نے فلسطینیوں کے گھروں میں لوٹ مارکرتےہوئے مکینوں کو تشدد کا نشانہ بنایا  اور  درجنوں کو گرفتار کرلیا۔

مقامی ذرائع کے  مطابق  غاصب صہیونی فورسز نے  مقبوضہ مغربی کنارے کے شمالی شہر جنین کے مغرب میں واقع گاؤں رمانہ میں  گھر گھر تلاشی کی کارروائی کرتےہوئے روایتی لوٹ مار شروع کی اورمکینوں کو تشدد کا نشانہ بنایا جس کے خلاف فلسطینی نوجوانوں نے مزاحمت کی۔

صہیونی فوج نے فلسطینی نوجوانوں کے پتھروں کے جواب میں آنسو گیس کی شیلنگ کی  جس کے باعث خواتین اور بچوں سمیت متعدد افراد دم گھٹنے کے باعث بے ہوش ہوگئے ۔ مزاحمت کاروں نے صہیونی فورسز پر پیٹرول سے بنے بم پھینکے  اور شدید پتھرا ؤ کیا ۔

اسرائیلی فوج نے مزاحمت کرنے والوں پر فائرنگ بھی کی جس کے نیتجے میں کم سے کم 12 فلسطینیوں کے زخمی ہونے کی اطلاع ہے جبکہ اس کے ساتھ ہی صہیونی فورسز نے درجنوں فلسطینیوں کو گرفتار بھی کرلیا ۔