(روزنامہ قدس ۔آن لائن خبر رساں ادارہ) فیس بک ایک عرصے سے فلسطینی مواد کو بغیر کسی اعلان کےختم کر نے اور فلسطینی صارفین کی آئیڈیز بلاک کرنے کے اقدامات کررہی ہے جس پر بین الاقوامی سطح پر بھی صارفین نے فیس بک کے متعصبانہ رویے کو تنقید کا نشانہ بنایا ہے۔
اطلاعات کے مطابق گذشتہ روزاینٹی فلسطین سوشل میڈیا ویب سائٹ فیس بک کی جانب سے مسلسل غیر منصفانہ اقدامات کے نتیجے میں فلسطینی آواز دبانے کیلیے قدس پریس ایجنسی کا بیج غیر اعلانیہ طور پر بلاک کر دیا گیا، فلسطینی پیج سے دنیا بھرکے لوگوں کو قابض ریاست میں ہونے والے صہیونی مظالم کی اصل صورت حال سے باخبر رکھنے بھر پور کوشش کی جاتی ہے جس کی پاداش میں اسرائیل کی حامی سوشل میڈیا ویب سائٹ نے بغیر اطلاع یا نوٹس کے فلسطینی پیج کو بلاک کر دیاہے۔
یاد رہے کہ فیس بک ایک عرصے سے فلسطینی مواد کو بغیر کسی اعلان کے ویب سائٹس سے ہٹانے اور فلسطینی صارفین کے اکاؤنٹس بلاک کرنے کے متعدد اقدامات جاری رکھے ہوئے ہے جس کے خلاف مقبوضہ فلسطین کی سوشل میڈیا انتظامیہ کی جانب سے احتجاجی مظاہرے کیے گئے اور بین الاقوامی سطح پر بھی صارفین نے فیس بک کے متعصبانہ اقدامات پر آوازاٹھائی اور اسے تنقید کا نشانہ بنایا ہے۔