(روز نامہ قدس ۔آنلائن خبر رساں ادارہ ) حزب اللہ نے واضح کیا ہے کہ دنیا کے تمام لڑاکا بحری بیڑے بھی آجائیں تو حزب اللہ کو حماس کی حمایت سے دستبردار نہیں کراسکتے۔
لبنان کے جنوبی گاؤں المجادل میں حزب اللہ کے شہید بلال نمر رمیطی کی یادگاری تقریب کے دوران حزب اللہ کی مرکزی کونسل کے رکن شیخ نبیل قاووق نے زور دے کر کہا کہ لبنان کے جنوبی علاقوں میں اسلامی مزاحمت کی کارروائیوں نے ثابت کر دیا ہے کہ غزہ کو تنہا نہیں چھوڑا گیا ہے۔ "یمن، عراق، شام اور لبنان کے مزاحمت کاروں نے غزہ کی حمایت ترک نہیں کی ہے اور نہ کبھی کریں گے۔”
انہوں نے مزید کہا کہ "وہ اپنے خون اور ہتھیاروں سے اس کا دفاع کر رہے ہیں، تاکہ صہیونی دشمن کے غزہ کو کنٹرول کرنے کے مذموم منصوبوں کو ناکام بنایا جا سکے۔”انھوں نے مزید کہا کہ "حزب اللہ کے عظیم جنگجو میدان جنگ کے شیر اور فتح ساز ہیں۔” "مغرب نے دیکھا کہ امیریکی فوج کے بحریہ بیڑوں کی آمد کے باوجود، ہم نے غزہ کی حمایت کی اپنی ذمہ داری کو ترک نہیں کیا ، کہ دنیا کے تمام لڑاکا بحری بیڑے بھی آجائیں تو حزب اللہ کو حماس کی حمایت سے دستبردار نہیں کراسکتے، ہم اپنا موقف تبدیل نہیں کریں گے۔‘‘