(روز نامہ قدس ۔آنلائن خبر رساں ادارہ ) صہیونی فوج فلسطینیوں پراسرائیلی قانون کی خلاف ورزی کے جھوٹے الزامات عائد کرکے مہینوں اور سالوں کے لیےالقدس سے بے دخل کر دیتی ہے۔
تفصیلات کے مطابق وادی حلوہ انفارمیشن سینٹر کی جاری کردہ رپورٹ میں صہیونی ریاست اسرائیل کی فلسطینیوں کے خلاف جاری ظالمانہ کارروائیوں میں سےایک بلاجواز مقبوضہ بیت المقدس اور مسجد اقصیٰ میں داخلے پر پابندی ہے جسکے باعث ایک ماہ کے دوران صہیونی فوج نے40 سے زائد شہریوں کو القدس سے بے دخل کیا گیا۔
وادی حلوہ انفارمیشن سینٹر کے مطابق صہیونی فوج فلسطینیوں پراسرائیلی قانون کی خلاف ورزی کے جھوٹے الزامات عائد کرکے مہینوں اور سالوں کے لیے مسجد اقصیٰ اور پرانے بیت المقدس سے شہربدری کے احکامات جاری کرتی ہے جس کی پاداش میں گذشتہ ستمبر کے دوران شہر بدری کےفیصلوں میں مسجد اقصیٰ اور پرانے شہر سے 44 اور مقدس شہر سے 4 احکامات جاری کیے گئےتھے۔
رپورٹ کے مطابق بیت المقدس میں گذشتہ ماہ کے دوران 156 گرفتاریاں ریکارڈ کی گئیں، جن میں 12 سال سے کم عمر کے 5 بچے، 46 لڑکے، اور 12 لڑکیاں شامل تھیں جبکہ بیت المقدس کے گورنر عدنان غیث کی مقبوضہ مغربی کنارے میں داخلے کی بلا جواز پابندی میں مزید 4ماہ کا اضافہ بھی کردیا گیا۔