(روز نامہ قدس ۔آنلائن خبر رساں ادارہ ) صہیونی آبادکاروں کی جماعت کو اسرائیلی سیکیورٹی فورسز کے حفاظتی حصارمیں قبلہ اول لایا گیا جہاں یہودی مذہبی رہنماؤ ں نے تلمودی رسومات کے نام پر قبلہ اول کی بے حرمتی کا ارتکاب کیا۔
تفصیلات کے مطابق گذشتہ روز درجنوں غیر قانونی صہیونی آبادکاروں نے غاصب صہیونی سیکیورٹی فورسز حفاظتی حصار میں مسجد اقصیٰ کے باب المغربیہ سے داخل ہوئے اور قبلہ اول کی بے حرمتی کی ۔
صہیونی مذہبی رہنماؤں اور ربیوں نے مسجد اقصیٰ کے خلاف اور یہودی معبد کے بارے میں لیکچر دیے اور ان سب نے مسجد اقصیٰ کے باب الرحمہ کے سامنے تلمودی رسومات انجام دیں۔
قابض اسرائیلی اتھارٹی نے مسجد اقصیٰ کی بے حرمتی کا پورا نظام بنا رکھا ہے۔ تقریبا ہر روز یہودی آباد کار اس مذموم مقصد کے لیے لائے جاتے ہیں۔ صرف جمعہ اور ہفتے کا دن خالی رکھا جاتا ہے۔
یہ بھی پڑھیے
صہیونی فوج نے فلسطینی کو فائرنگ سے شدید زخمی کیا اور پھر گرفتار کرلیا
اس دوران ہر روز صبح اور شام کے وقت مسجد اقصیٰ کے سب دروازے مسلمانوں کے لیے بند کر دیے جاتے ہیں ۔ کوئی فلسطینی اس دوران مسجد میں نہیں آسکتا ۔ صرف یہودی آباد کاروں کو اجازت دی جاتی ہے۔ وہ آتے ہیں اور تلمودی رسومات مسجد اقصیٰ کے صحن میں ادا کرتے ہیں۔