(روزنامہ قدس ۔آن لائن خبر رساں ادارہ) شام کی سرکاری خبررساں ایجنسی سانا کے مطابق صہیونی فوج نے یہ میزائل حملہ لبنانی دارالحکومت بیروت کے اوپر سے کیا جس کے ساتھ ہی پہلے سے محتاط شام کا فضائی دفاعی نظام متحرک ہو گیا۔
ذرائع کے مطابق گذشتہ روزملک شام کے دارالحکومت دمشق میں قابض صہیونی ریاست کی فضائیہ نے شامی فوجی ٹھکانوں پر میزائل حملہ کیا جس کے نتیجے میں املاک کو نقصان پہنچا جبکہ2 عام شہریوں کی شہادت کی خبر موصول ہوئی ہیں۔
شام کی سرکاری خبررساں ایجنسی سانا کے مطابق صہیونی فوج نے یہ میزائل حملہ لبنانی دارالحکومت بیروت کے اوپر سے کیا جس کے ساتھ ہی پہلے سے محتاط شام کا فضائی دفاعی نظام متحرک ہو گیا جس نے بیشتر اسرائیلی میزائلوں کوفضاءمیں ہی تباہ کردیا۔
خیال رہے کہ صہیونی فوج کی جانب سے شام کی فوجی تنصیبات پریہ تازہ ترین حملہ ہےجس میں دو شہری بھی شہید ہو ئے ہیں تاہم اسرائیل کی جانب سے ابھی تک اس حملے پر کوئی بیان جاری نہیں کیا گیا۔