(روز نامہ قدس ۔آنلائن خبر رساں ادارہ )شامی فوج نے جوابی کارروائی کرتے ہوئے اسرائیلی میزائلوں کو مار کو ناکام بنایا تاہم صیہونی ریاست کی جانب سے اس حوالے سے کوئی اطلاعات جاری نہیں کی گئی ہیں۔
شامی خبر رساں اداروں کی رپورٹ کے مطابق گذشتہ روز غیر قانونی صیہونی ریاست اسرائیل کی نام نہاد فوج نے شام کے دارالحکومت دمشق کے قریب شامی فوج پر فضائی حملہ کیا جس میں چار شامی فوجیوں کے جاں بحق ہونے جبکہ چار کے زخمی ہونے کی اطلاعات ہیں۔
شامی میڈیا کے مطابق حملہ مقامی وقت کے مطابق رات سوا 2 بجے کے قریب کیا گیا جس میں اسلحے کے ذخیرے کو بھی نقصان پہنچانے کی کوشش کی تھی تاہم اس کو نقصان نہیں پہنچ سکا۔
دوسری جانب ذرائع کا دعویٰ ہے کہ شامی فوجیوں نے جوابی کارروائی کرتے ہوئے کچھ اسرائیلی میزائلوں کو مار گرایا۔اس حملے سے متعلق اسرائیل نے ابھی تک کوئی بیان جاری نہیں کیا، اسرائیل کی جانب سے اکثر شام میں ایران کے حمایت یافتہ عسکریت پسندوں سے منسلک فوجی مقامات کو نشانہ بنایا جاتا ہے۔ کچھ ماہ قبل فروری میں شام نے اسرائیل پر دمشق پر کیے گئے میزائل حملوں میں 4 شہریوں اور ایک فوجی کو ہلاک کرنے کا الزام لگایا تھا۔