(روز نامہ قدس ۔آنلائن خبر رساں ادارہ ) علی اکبر ولایتی نے فلسطین کے مغربی کنارے میں مزاحمتی کارروائیوں پر اسماعیل ھنیہ کو مبارک باد پیش کی۔
فلسطینی ذرائع ابلاغ کے مطابق گذشتہ روز اسلامی جمہوریہ ایران کے رہبر انقلاب اسلامی آیت اللہ علی خامنہ ای کے مشیر علی اکبرولایتی نے غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے سیاسی شعبے کےسربراہ اسماعیل ھنیہ سے ٹیلی فون پر رابطہ کیا۔
رپورٹ کے مطابق علی اکبر ولایتی نے مقبوضہ فلسطین کے مغربی کنارے میں فلسطینی جانبازوں کی جانب سے کی جانے والی حالیہ کامیاب مزاحمتی کارروائیوں پر اسماعیل ھنیہ کو مبارک باد پیش کرتےہوئے فلسطینی عوام کے شانہ بشانہ کھڑے ہونے اور ان کی مزاحمت کی حمایت کے لیے ایران کے ٹھوس موقف کے عزم کا اعادہ کیا۔ ان کا کہنا تھا کہ ایران فلسطینیوں کے دیرینہ حقوق کی حمایت جاری رکھے گا۔