صیہونی ریاست کی جانب سے غزہ پر ممنوعہ وائٹ فاسفورس کے استعمال کی تصدیق

(روز نامہ قدس ۔آنلائن خبر رساں ادارہ ) صیہونی فوج کے اعلیٰ حکام نے ہیومن رائٹس واچ  کی رپورٹ پر ردعمل دینے سے گریز کرتے ہوئے اس سے لاعلمی کا اظہار کیا ہے ۔

BREAKING: Israel has used white phosphorus in military operations in Gaza and Lebanon, putting civilians at risk of serious and long-term injuries.

White phosphorus causes excruciating burns and can set homes afire. Its use in populated areas is unlawful.https://t.co/TbCVA5Qynp pic.twitter.com/4UKANHTwI2

— Human Rights Watch (@hrw) October 12, 2023

انسانی حقوق کی عالمی تنظیم ہیومن رائٹس واچ نے   اپنی رپورٹ میں انکشاف کیا ہے کہ غیر قانونی صیہونی ریاست اسرائیل نے مقبوضہ فلسطین کے محصور شہر غزہ اور لبنانی سرحد پر بین الاقوامی ممنوع وائٹ فاسفورس بموں کا استعمال  کیا ہے۔

 ہیومن رائٹس واچ نے اپنی رپورٹ میں تصدیق کی ہے کہ اسرائیلی فوج  نےغزہ  اور لبنان پر حملوں کیلئے ممنوعہ فاسفورس بموں کا استعمال کیا ہے جس کی  عالمی سطح پرجنگ میں استعمال کئے جانے پر  مکمل پابندی ہے اس کے استعمال سے زمین پر وسیع علاقے میں آگ بھڑک اٹھتی ہے، جو انسانی جسم کے پٹھوں اور ہڈیوں تک کو جلا کر راکھ میں تبدیل کردیتا ہے۔

ہیومن رائٹس واچ کی اس رپورٹ پر صیہونی فوج کے اعلیٰ حکام نے ر ردعمل میں کوئی بیان دینے سے گریز کرتے ہوئے اس سے لاعلمی کا اظہار کیا ہے ۔

واضح رہے کہ کہ اس سے قبل فلسطین کی وزارت خارجہ نے اپنے ایک بیان میں غاصب صیہونی افواج کی جانب سے شمالی غزہ کے علاقے الکرامہ میں بین الاقوامی سطح پر ممنوعہ فاسفورس بم استعمال کی تصدیق کی تھی ۔