(روز نامہ قدس ۔آنلائن خبر رساں ادارہ) غزہ پر اسرائیلی جارحیت کو 458 ویں دن مکمل ہوگئے اور اب محصور شہر کے حوالے سے بات چیت میں نمایاں پیش رفت ہوئی ہے، تاہم ابھی کچھ تنازعات حل طلب ہیں۔
فلسطینی ذرائع کے مطابق مذاکرات جاری ہیں، صیہونی دشمن کے وفد نے کہا کہ کچھ مسائل کو حل کرنے کے لیے حکومت کے سیاسی سطح پر واپس جانے کی ضرورت ہے۔ اس دوران حماس کی قیادت کے غزہ سے انخلاء کے بارے میں اسرائیلی شرائط کے حوالے سے خبریں بے بنیاد قرار دی گئی ہیں۔
غیرقانونی صیہونی ریاست اسرائیل کے میڈیا نے خبر دی ہے کہ اسرائیل کی بدنام زمانہ خفیہ ایجنسی موساد کے سربراہ، ڈیوڈ بارنیہ، قطر روانہ ہوں گئے ہیں تاکہ حماس کے ساتھ اسیران کے تبادلے کے معاملے پر مذاکرات جاری رکھ سکیں۔
امریکی صدر جو بائیڈن کے مشیر، بریٹ میک گورک، بھی قطر پہنچے ہیں تاکہ غزہ میں جنگ بندی کے لیے بات چیت میں حصہ لے سکیں۔ اسرائیلی ذرائع کے مطابق مذاکرات میں کافی پیش رفت ہوئی ہے، لیکن ابھی کئی اہم معاملات حل ہونا باقی ہیں۔