(روزنامہ قدس ۔آن لائن خبر رساں ادارہ) اسرائیل کو امید ہے کہ بھارت کے ہاتھوں بندرگاہ کی فروخت سے اندرون ملک درآمدی قیمتوں میں کمی آئے گی اور اسرائیلی بندرگاہوں پر طویل انتظار کے اوقات کو کم کرنے میں مدد ملے گی۔
عالمی خبر رساں ادارے کے مطابق بھارت کی ایک مشہور بندرگاہیں چلانے والی کمپنی اڈانی پورٹس نے اعلان کیا ہے کہ اس نے بحیرہ روم پر ایک بڑے تجارتی مرکز کو خرید لیا ہے ، یہ تجارتی مرکز قابض صہیونی ریاست اسرائیل کی مشہور حیفا بندرگاہ ہے جسے اڈانی پورٹس کے مطابق اسرائیلی کمپنی گیڈوٹ کے ساتھ شراکت میں 1.18 ارب ڈالر میں خرید لیاگیا ہے۔
مزید اطلاعات کے مطابق اڈانی گروپ اور اسرائیل کی کیمیکلزاینڈ لاجسٹک گروپ گیدوٹ 2054ء تک حیفا بندرگاہ کو چلائے گاجبکہ اڈانی پورٹس کا کہنا ہے کہ حیفا بندرگاہ کی نج کاری کا عمل دو سال میں مکمل ہو جائے گا جس کےنتیجے میں انڈین کمپنی کے اس اقدام سے ملک کی مقامی بندرگاہوں کو مشرق وسطیٰ اور یورپ کے ساتھ روابط قائم کرنے میں مدد ملےگی اور شہرییوں کو روزگار کے اچھے مواقع میسر آئیں گے۔
اس حوالے سے کہا جارہا ہے کہ اسرائیل کو امید ہے کہ بھارت کے ہاتھوں بندرگاہ کی فروخت سے اندرون ملک درآمدی قیمتوں میں کمی آئے گی اور اسرائیلی بندرگاہوں پر طویل انتظار کے اوقات کو کم کرنے میں مدد ملے گی۔