(روزنامہ قدس ۔آن لائن خبر رساں ادارہ) سید حسن نصر اللہ اورعوامی محاذ برائے آزادی فلسطین کے عہدیداران نے علاقے کی صورت حال کا تفصیلی جائزہ لیا اور فلسطین، لبنان اور خطے کی سیاسی اور میدانی پیش رفت پر تبادلہ خیال کیاگیا۔
لبنان کی تحریک حزب اللہ کے سیکریٹری جنرل سید حسن نصراللہ نےلبنان کے دارالحکومت بیروت میں عوامی محاذ برائے آزادی فلسطین کے خصوصی وفد سے ملاقات کی، یاد رہے کہ تحریک حماس کے سیاسی شعبے کے سربراہ اسماعیل ہنیہ نے بھی حالیہ دنوں میں لبنان کا دورہ کیا ہے جس کے بعد ہی عوامی محاذ نے بھی حزب اللہ کے سیکرٹری جنرل سے خصوصی ملاقات کی ہے۔
سید حسن نصر اللہ سے ملاقات میں عوامی محاذ برائے آزادی فلسطین کے عہدیداران پر مشتمل وفد کی سربراہی سیکریٹری جنرل طلال ناجی نے کی جبکہ ملاقات میں لبنان کی حزب اللہ تحریک کی سیاسی کونسل کے رکن حسن ہبلت اللہ بھی موجود تھے ، گفتگو میں علاقے کی صورت حال کا تفصیلی جائزہ لیا گیااور فلسطین، لبنان اور خطے کی سیاسی اور میدانی پیش رفت پر تبادلہ خیال کیاگیا۔
اس وقت اسرائیل اور لبنان کے درمیان متنازعہ علاقے میں گیس نکالنے کے لیے صیہونی جہاز کی موجودگی کے بعدلبنان اور صیہونی حکومت کے درمیان کشیدگی میں اضافہ دیکھنے میں آیا ہے اور حزب اللہ تحریک کے تعلقات عامہ کی جانب سے بھی جاری بیان میں فلسطینی دھڑوں کی لبنان آمد کا مقصد بھی کشیدگی بڑھانے والے قابضین کی کوششوں کے تناظر میں بات چیت ہے جو خطے پر مختلف طریقوں سے تسلط جماناچاہتے ہیں۔