(روز نامہ قدس ۔آنلائن خبر رساں ادارہ ) اسرائیل کے نسل پرستانہ اقدامات پر برنی سینڈرز نے کہا ہے کہ آپ دو ریاستی حل سے منہ نہیں موڑ سکتے، فلسطینی عوام کو نیچا نہیں دکھا سکتے اور آپ امریکہ آکر پیسے نہیں مانگ سکتے۔
بی ایس نیوز کے "فیس دی نیشن” شو پر اپنے ایک انٹرویو کے دوران امریکی سینیٹ کے سینئر رکن برنی سینڈرز نے فلسطین پر قابض غیر قانونی صیہونی ریاست اسرائیل کی انتہائی دائیں بازو کی حکومت کے عدلیہ کو نقصان پہنچانے اور یہودی بستیوں کے لیے مزید فلسطینی اراضی کو چوری کرنے کے انتہا پسندانہ اقدام پر شرمندگی کا اظہار کرتے ہوئے کہا ہے کہ شدت پسند صیہونی ریاست کے نسل پرستانہ اقدامات پر گہری تشویش ہے۔
انھوں نے کہا کہ اسرائیل میں فلسطینیوں کے خلاف اسرائیلیوں کے بدترین نسل پرستانہ اقدامات پر "میں بہت پریشان ہوں کہ وزیر اعظم بنجمن نیتن یاہو کیا کر رہے ہیں، ان کی حکومت کے اتحادی فلسطینی عوام کے ساتھ کیا کررہے ہیں یہ سب ناقبل قبول ہے ۔”
انھوں نے مزید کہا کہ امریکہ کو صیہونی ریاست اسرائیل کے لیے مختص کیے گئے فنڈز کے پر نظر ثانی کی ضرورت ہے بلکہ یہ امداد فوری طورپر بند ہونی چاہئے۔
انھوں نے صیہونی ریاست کے انتہائی نسل پرستانہ اقدامات کا حوالہ دیتے ہوئے کہا کہ "آپ نسل پرست حکومت نہیں چلا سکتے، آپ دو ریاستی حل سے منہ نہیں موڑ سکتے ، آپ فلسطینی عوام کو نیچا نہیں دکھا سکتے اور ان تمام اقدامات کے ساتھ آپ امریکہ آکر پیسے نہیں مانگ سکتے۔