(روز نامہ قدس ۔آنلائن خبر رساں ادارہ ) بن گویر کی طرف سے غزہ کے شہریوں کو بھوکا رکھنے کا بیان غیرانسانی اور شرمناک ہے نوٹس لیا جانا چاہئے۔
بیلجیئم کی وزیر برائے ترقیاتی تعاون کیرولین گونیز نے سماجی رابطوں کی ویب سائٹ ایکس پر غیر قانونی صیہونی ریاست اسرائیل کے وزیر برائے قومی سلامتی ایتمار بن گویر کے جانب سے معروف عبرانی اخبار "معاریو” کودیئے گئے انٹر کو شدید تنقید کا نشانہ بنایا جس میں انھوں نے نے جنگ بندی کے معاہدے یا حماس کے ساتھ قیدیوں کے تبادلے کے بجائے غزہ سے فلسطینیوں کی زمینوں پر قبضہ کرکے انہیں وہاں سے نکال باہر کرنے اور غزہ میں خوراک سمیت امداد کو روکنے اور فلسطینی شہریوں کو اس وقت تک بھوکہ رکھنے کا مطالبہ کیا تھا کہ جب تک حماس ہتھیار نہیں ڈال دیتی ۔
بیلجیئم کی وزیر نے غزہ میں بچوں سمیت شہریوں کو انسانی امداد سےمحروم کرنے اور بھوکہ رکھنے کو ’جنگی جرم‘ قرار دیتے ہوئے کہا کہ صیہونی وزیر ایتمار بن گویر کا فلسطینیوں کو بھوکا رکھنے کا بیان غیرانسانی اور شرمناک ہے جس کا نوٹس لیا جانا چاہئے ۔
انھوں نے مزید کہا کہ اس طرح کی اسشتعال انگیز بیانات پرامن حل کے حصول کے امکانات کو کمزور کرتی ہیں اور فلسطینیوں کی سلامتی کو خطرہ ہیں۔