فلسطینیوں کے خلاف صیہونی جرائم، بارسلونا نے اسرائیل سے تعلقات منقطع کردیئے

(روز نامہ قدس ۔آنلائن خبر رساں ادارہ ) بارسلونا کی میئر نے اعلان کیا ہے کہ جب تک اسرائیلی حکام فلسیطنی عوام کے انسانی حقوق کی منظم خلاف ورزوں کو ختم نہیں کردیتے تعلقات معطل رہیں گے۔

میڈیا رپورٹس کے مطابق بارسلونا کی میئر اداکولاؤ  نے گذشتہ روز سٹی ہال میں ایک تقریب کے دوران غیر قانونی صیہونی ریاست اسرائیل  کی جانب سے فلسطینیوں کے خلاف "انسانی حقوق کی واضح اور منظم خلاف ورزی” پر تنقید کرتے ہوئے معاہدوں کو معطل  تعلقات کو منقطع کرنے کا اعلان کیا ہے۔

میئر بارسلونانے صیہونی ریاست کے وزیر اعظم بینجمن نیتن یاہو کو ایک مراسلہ بھیجا ہے جس میں انہیں اس فیصلے سے آگاہ  کرتے ہوئے لکھا ہے کہ فلسطین میں انسانی حقوق کی بدترین خلاف ورزیوں پر ہم خاموش نہیں رہ سکتے، جب تک اسرائیلی حکام فلسیطنی عوام کے انسانی حقوق کی منظم خلاف ورزوں کو ختم نہیں کردیتے تعلقات معطل رہیں گے۔

مئیر نے مزید کہاہے کہ یہ اقدام صرف اورخصوصی طور پر میئر کے دفتر اور اسرائیل کے درمیان ادارہ جاتی تعلقات پر مبنی ہے  یہ فیصلہ "کسی بھی طرح سے یہودی آبادی کے خلاف امتیازی سلوک نہیں ہے، یہ قوم، برادری یا مذہب پر تنقید نہیں بلکہ حکومت پر ہے۔