(روز نامہ قدس ۔آنلائن خبر رساں ادارہ ) آذربائیجان کی حکومت جیسے ممالک کو اپنا سفارت خانہ مقبوضہ بیت المقدس میں منتقل نہیں کرنا چاہیے۔ یہ اقدام اقوام متحدہ کی سلامتی کونسل کی قرارداد 2334 کی خلاف ورزی ہے۔
وسط ایشیائی ریاست آذربائیجان اور اسرائیل کے سفارتی تعلقات بحال ہوگئے۔ غیر ملکی میڈیا رپورٹس کے مطابق آذربائیجان نے اسرائیلی شہر تل ابیب میں اپنے پہلے سفارتخانے کا افتتاح کر دیا۔ میڈیا رپورٹس میں بتایا گیا ہے کہ سفارت خانے کی افتتاحی تقریب میں دونوں ممالک کے وزراءخارجہ نے شرکت کی۔
جمہوری محاذ برائے آزادی فلسطین ( ڈیموکریٹک فرنٹ )نے سفارتخانہ کھولنے کے اعلان پر سخت تنقید کرتے ہوئے آذربائیجان کی حکومت سے مطالبہ کیا کہ وہ مقبوضہ بیت المقدس میں اپنا سفارت خانہ کھولنے کا فیصلہ واپس لے۔
اپنے جاری کردہ بیان میں ڈیمو کریٹک فرنٹ نے کہا کہ یہ قدم اسرائیلی قابض ریاست کو ہمارےعوام کے خلاف اپنے جرائم اور بین الاقوامی قراردادوں کی خلاف ورزی کرنے میں آگے بڑھنے کی ترغیب دے گا۔ بیان میں کہا گیا ہے کہ آذربائیجان کی حکومت جیسے ممالک کو اپنا سفارت خانہ مقبوضہ بیت المقدس میں منتقل نہیں کرنا چاہیے۔ یہ اقدام اقوام متحدہ کی سلامتی کونسل کی قرارداد 2334 کی خلاف ورزی ہے۔
واضح رہے کہ غیر قانونی صہیونی ریاست اسرائیل اور آذربائیجان کے درمیان 30 سال سے تعلقات ہیں اور آذربائیجان کے شہر باکو میں 1993 سے صہیونی ریاست کا سفارت خانہ موجود ہے۔