(روزنامہ قدس ۔آن لائن خبر رساں ادارہ) بلی ڈب نے اپنے لوگوں سےفلسطینیوں کیلیے آواز اٹھانے پر زور دیا، ان کا کہناتھاکہ اسرائیل میں فلسطینیوں کے ساتھ ہونے والی ناانصافی کو ختم کیاجائے اور انہیں برابر کے حقوق دیے جائیں۔
عالمی خبر رساں ادارے کے مطابق گذشتہ روز مقبوضہ فلسطین میں شہریوں کی بلاجواز گرفتاریوں اورالقدس میں روزے داروں پر تشدد اور عبادت کے لیے آنے والے فلسطینی مسلمانوں پر مسجد کے دروازے بند کرنے کے خلاف آسٹریلیا کے مشہور باکسر بلی ڈب نے اسرائیل کی جارحیت کے خلاف فلسطینیوں کے ساتھ اپنی یکجہتی کا اظہار کیا اور شہریوں کے حقوق کی آزادی کو صلب کر نے پر بین الاقوامی سطح پر احتجاج کا مطالبہ کیا۔
بلی ڈب نے صہیونی حکومت کےفلسطینیوں کے ساتھ نسل پرستانہ رویے کی مذمت کی اوراپنے لوگوں سےفلسطینیوں کیلیے آواز اٹھانے پر زور دیا ،ان کا کہناتھاکہ فلسطینیوں کے ساتھ ہونے والی ناانصافی کو ختم کیاجائے اور انہیں برابر کے حقوق دیے جائیں جن میں مذہبی آزادی کا خیال رکھتے ہوئے فلسطینی شہریوں کواپنی عبادت گاہ میں آزادی سےعبادت کا حق دیا جائے۔