(روزنامہ قدس ۔آن لائن خبر رساں ادارہ) کیرن اینڈریوز نے صہیونی ریاست اسرائیل کی حمایت میں بات کرتے ہوئے مزید کہا کہ حماس کے عزائم خطرناک ہیں جس کے باعث تنظیم کو کسی قسم کی معاونت فراہم کر نے والے پر 25 سال قید کی سزا دی جائے گی۔
عالمی ذرائع ابلاغ کے مطابق گذشتہ روز آسڑیلی وزیر داخلہ کیرن اینڈریوز نے اپنے جاری بیان میں تصدیق کی ہے کہ مقبوضہ فلسطین میں صہیونی ریاستی دہشت گردی کےخلاف بر سر پیکار اسلام ی مزاحمتی تحریک حماس کی القسام بریگیڈ سمیت آسٹریلیا پوری تنظیم کو "دہشت گرد ” تنظیموں کی فہرست میں ڈالنے کے فیصلے پر عمل درآمد کرے گا۔
آسٹریلوی وزیر داخلہ نے کہا کہ غزہ کی پٹی میں صہیونی جارحیت کا جواب دینے والی منتظم حماس تحریک آسٹریلیا کے تعزیراتی ضوابط کے تحت ایک دہشت گرد تنظیم قرار دی گئی ہے اور آسٹریلوی حکومت تشدد کی ہر شکل کی مخالف ہےجس کا مقصد آسٹریلوی شہریوں کو دہشت گردی اور شدت پسندی سے بچانا ہے۔
کیرن اینڈریوز نے صہیونی ریاست اسرائیل کی حمایت میں بات کرتے ہوئے مزید کہا کہ حماس کے عزائم خطرناک ہیں حکومت کے جاری کردہ احکامات پر عمل درآمد کے بعد تنظیم کو کسی قسم کی معاونت فراہم کر نے والے پر 25 سال قید کی سزا دی جائے گی۔
خیال رہے کہ 2007 میں قابض صہیونی حکام کی جانب سے غزہ کی پٹی کی مکمل طور پر ناکہ بندی کی گئی تھی جس پر حماس نے غزہ میں کنٹرول سنبھالا اور صہیونی مظالم کے خلاف جوابی کارروائیوں کا سلسلہ شروع ہواجبکہ گذشتہ برس مئی کے مہینے میں قابض فوج نے ایک بار پھرغزہ پر بمباری کی جس کے نتیجے میں 67بچوں اور 36خواتین سمیت 200سے زائد فلسطینی شہید اور ہزاروں فلسطینی خاندان بے گھر ہوگئے ہیں جنھیں خوراک ، ضروری ادویہ ، کپڑوں اور بنیادی تعمیراتی سامان کی اشد ضرورت ہے۔