(روز نامہ قدس ۔آنلائن خبر رساں ادارہ ) صہیونی ریاست اسرائیل نے مذہبی مقامات کے تقدس سمیت انسانیت کے کسی بھی اصول کا خیال نہیں رکھا۔
ایوان صدر سے جاری ہونے والے ایک بیان میں صدر مملکت ڈاکٹر عارف علوی نے غیر قانونی صہیونی ریاست اسرائیل کی نام نہاد سیکیورٹی فورسز کی جانب سے قبلہ اول مسجد اقصیٰ کے اندر فلسطینی نمازیوں پر حملے اور بڑے پیمانے پر گرفتاریوں کی شدید الفاظ میں مذمت کرتے ہوئے کہا کہ افسوس کہ صہیونی ریاست اسرائیل نے مذہبی مقامات کے تقدس سمیت انسانیت کے کسی بھی اصول کا خیال نہیں رکھا۔
صدر نے کہا کہ ہمیں رمضان کے مقدس مہینے میں نمازیوں پر گھناؤنے حملے میں بربریت کی انتہا دیکھنے کو ملی، عالمی برادری پرامن عبادت گزاروں کیخلاف وحشیانہ اور غیرانسانی فعل کی مذمت کرے۔