(روز نامہ قدس ۔آنلائن خبر رساں ادارہ) غیر قانونی صیہونی ریاست اسرائیل کے معروف عبرانی نیوز ویب سائٹ وائی نیٹ کےمطابق مقبوضہ اشدود میں روٹ فور کے قریب نامعلوم فلسطینی حملہ آور کی فائرنگ سے 30 سالہ غیر قانونی صیہونی آباد کار ہلاک اور 4 دیگر زخمی ہوگئے۔
اسرائیلی میڈیا نے رپورٹ کیا ہے کہ حملہ آور کی فی الحال شناخت نہیں ہوسکی ہے، عینی شاہدین نے بتایا کہ حملہ آور سڑک کے کنارے سے پیدل نمودار ہوا اور پستول سے گزرنے والی گاڑیوں پر فائرنگ کی، اس دوران ایک ٹرک ڈرائیور نے حملہ آور کو فائرنگ کرکے شہید کردیا۔
صیہونی ریاست کے وزیر برائے قومی سلامتی ایتمار بن گویر نے حملہ پر اپنے بیان میں کہا ہے کہ اسرائیلی شہریوں کو فراہم کردہ اسلحہ نے بڑا نقصان ہونے سے بچالیا ہے۔