حماس کے تباہ کن حملے جاری، صیہونی فوج نے ایک اور اعلیٰ افسر کی ہلاکت کا اعتراف کرلیا

(روز نامہ قدس ۔آنلائن خبر رساں ادارہ ) صیہونی فوج نے اعتراف کرتے ہوئے کہا ہےکہ یہ تیسرا کرنل ہے جسے اسرائیل نے جنگ میں کھویا ہے۔

غاصب صیہونی فوج کی جانب سے یہ اعتراف آپریشن طوفان الاقصیٰ کے دوسرے دن 8 اکتوبر کو اس کے قتل کے چند دن بعد سامنے آیا ہے۔

اسرائیلی قابض فوج نے گذشتہ ہفتے سے القسام بریگیڈز کی جانب سے شروع کیے گئے  تباہ کن حملوں کے نتیجے میں ہونے والے ناقابل تلافی نقصانات کی تفصیلات جاری کی ہیں  جس میں اپنے ایک اعلیٰ افسر کی ہلاکت کا اعتراف  کرتے ہوئے کہا ہے کہ یہ وہ  تیسرا کرنل ہے جسے اسرائیل نے جنگ میں کھویا ہے۔

قابض فوج میں ہلاک ہونے والوں کی تازہ ترین فہرستوں کے مطابق مغربی کنارے کے ڈویژن میں ایک 53 سالہ سینیر افسر کرنل لیون بار  غزہ کے اطراف میں جنگی کارروائیوں کے دوران ہلاک ہوا۔