(روز نامہ قدس ۔آنلائن خبر رساں ادارہ ) فلسطینیوں کی قربانیوں کو رائیگاں نہیں جانے دیں گےمجاہدین غاصب صیہونیوں کا چین و سکون چھین لیں گے۔
گذشتہ روز مقبوضہ مغربی کنارے کے شہر جنین کے قصبے قباطیہ سے تعلق رکھنے والے اٹھارہ سالہ فلسطینی نوجوان عبدالہادی فخری نزل کی صہیونی فوج کی فائرنگ سے شہید ہونے کے بعد جاری کردہ بیان میں صیہونی ریاست کے خلاف برسرپیکار مزاحمتی تحریک جہاد اسلامی فلسطین نے اپنے بیان میں کہا ہے کہ فلسطینیوں کی قربانیوں کو رائیگاں نہیں جانے دیں گے۔
جہاد اسلامی نے فلسطینی مجاہدین سے غیرقانونی صہیونی ریاست اسرائیل سے ان کے جرائم کا انتقام لینے کی اپیل کی ہے اور صرف چند گھنٹوں میں پانچ فلسطینیوں کی شہادت کو فلسطینیوں میں اور زیادہ اتحاد و یکجہتی اور غاصب صیہونیوں کے مقابلے میں عزم مزید مضبوط ہونے کا باعث قرار دیا ہے۔
جماعت نے کہا گیا ہے کہ صیہونیوں کے جارحانہ اقدامات کے نتیجے میں فلسطینی مجاہدین غاصب صیہونیوں کا چین و سکون چھین لیں گے اور مقبوضہ علاقوں کو صیہونیوں کے لئے جہنم میں تبدیل کر دیں گے۔