غزہ میں ایک اور صیہونی فوجی جہنم واصل: مجموعی تعداد 704 ہوگئی

(روز نامہ قدس ۔آنلائن خبر رساں ادارہ )339 صیہونی فوجی غزہ  میں مزاحمت کاروں کے حملوں میں جہنم رسید ہوچکے ہیں جبکہ   اب تک زخمی صیہونی افسروں اور فوجیوں کی تعداد 4,398ہوچکی ہے۔

فلسطین پر قابض غیر قانونی صیہونی ریاست اسرائیل کی نام نہاد فوج نے اپنے جاری بیان میں اپنے ایک اور فوجی کی غزہ  میں ہلاکت کا اعلان کیا ہے ، اعلان میں بتایا گیا ہے کہ فوج کا ایک 32 سالہ میجر یوہائی گلام وسطی غزہ میں "نیٹزاریم محور” میں  مزاحمت کاروں کی گولی لگنے سے مارا گیا۔

گزشتہ 7 اکتوبر کو غزہ پر جنگ کے آغاز سے لے کر اب تک مزاحمت کاروں کے ہاتھوں جہنم واصل  ہونے والے اسرائیلی فوجیوں کی تعداد 704 تک پہنچ گئی ہے، جن میں غزہ کی پٹی پر اسرائیلی حملے کے بعد سے ہلاک ہونے والے  339 اہلکار  بھی شامل ہیں۔ جنگ کے آغاز سے لے کر اب تک زخمی ہونے والے صیہونی افسروں اور فوجیوں کی  مجموعی تعداد 4,398  ہوگئی ہے۔

واضح رہے کہ گذشتہ روز حماس کے عسکری ونگ  القسام بریگیڈز نے اعلان کیا کہ اس کے مجاھدین غزہ شہر کے زیتون محلے کے جنوب میں اسٹارز ہال کے پیچھے ایک عمارت میں چھپے ہوئے دو اسرائیلی فوجیوں کو نشانہ بنایا جس کے نتیجے میں دونوں فوجی ہوگئے تھے۔