لبنان میں اسرائیل کا ایک اور حملہ، حزب اللہ کے چار جنگجو شہید

(روز نامہ قدس ۔آنلائن خبر رساں ادارہ ) اسرائیلی ڈرون نے دو روز قبل  بیروت میں حماس کے دفتر کو نشانہ بنایا تھا جس میں  حماس کے سیاسی شعبے کے نائب سربراہ صالح العاروری چار ساتھیوں سمیت شہید ہوئے تھے۔

لبنانی میڈیا المنار کی  رپورٹ کےمطابق  فلسطین پر قابض غیر قانونی صیہونی ریاست اسرائیل کی فوج نے  رات گئے جنوبی لبنان کے علاقے نقورا میں ایک عمارت پر ڈرون طیارے سے حملہ کیا جس کے نتیجےمیں  حزب اللہ کے سینئر اہلکار حسین یزبک إبراهيم عفيف، وهادی علی رضا اور حسين علی محمد غزالہ  شہید ہوگئے۔

7 اکتوبر کو غزہ کی پٹی میں  صیہونی ریاست کے ساتھ حماس کی جنگ شروع ہونے کے بعد ایک طرف اسرائیلی فوج اور دوسری طرف لبنان میں حزب اللہ اور مسلح فلسطینی دھڑوں کے درمیان سرحد پار سے گولہ باری مسلسل جاری ہے۔