(روزنامہ قدس ۔آن لائن خبر رساں ادارہ) حماس نے جوبائیڈن کے "اس دورے کے ایجنڈے” کے خلاف متنباہ کرتے ہوئے کہا کہ صہیونی ریاست کا فلسطین پر قبضہ برقرار رکھنے میں صہیونی ریاست کی مدد کرنا ہمارے وطن کی اراضی دشمن کو دینے کے متراف ہے۔
مقبوضہ فلسطین میں صہیونی ریاستی دہشت گردی کے خلاف برسر پیکاراسلامی تحریک مزاحمت حماس کی جانب سے امریکی صدر جوبائیڈن کے دورہ مشرق وسطیٰ کو مسترد کر دیا گیا ہے اور اس پر اپنے رد عمل میں کہا ہے کہ اس دورے کا مقصد خطے میں صہیونی ریاست کے رسوخ اور اس کی بالادستی کو مستحکم کرنا ہےجس میں صدر جوبائیڈن ناکام ہونگے۔
حماس کے جاری کردہ ایک بیان میں کہا گیا ہے کہ جماعت اور فلسطینی قوم امریکی صدر کی کھلم کھلا اسرائیل کی طرف داری سے واقف ہےجبکہ امریکا کا یہ صہیونی ریاست کے لیے اندھا تعصب اور قابض ریاست کی حمایت فلسطینیوں کے حقوق کی نفی ہے۔
حماس نےکہا کہ جوبائیڈن کا صہیونی ریاست اور خطے کا دورہ خطرناک ہے امریکی انتظامیہ کو اس کے نتائج بھگتنا ہوں گےجبکہ اس دورے کے سیاسی، قانونی اور انسانی نتائج کی ذمہ داری امریکی انتظامیہ پر عائد ہوگی۔
حماس نے جوبائیڈن کے "اس دورے کے ایجنڈے” کے خلاف متنبہ کرتے ہوئے کہا کہ صہیونی ریاست کا فلسطین پر قبضہ برقرار رکھنے میں صہیونی ریاست کی مدد کرنا ہمارے وطن کی اراضی دشمن کو دینے کے متراف ہے۔ فلسطینی اپنی حقوق اور آزادی پر کسی دباؤ کا شکار نہیں ہوں گے۔