(روزنامہ قدس ۔آن لائن خبر رساں ادارہ) انسانی حقوق کی عالمی تنظیم نے اپنی رپورٹ میں کہا ہے کہ اسرائیل بڑے پیمانے پر نہتے فلسطینیوں پر حملوں میں ملوث ہےجو کہ پوری انسانیت کے خلاف نسل پرستی کے مترادف ہیں۔
عالمی نشریاتی ادارے کی جانب سے انسانی حقوق کی عالمی تنظیم ایمنسٹی انٹر نیشنل کی ایک رپورٹ میں قابض ریاست اسرائیل کو فلسطینیوں کے خلاف اسرائیلی نسل پرست حکومت قرار دیتے ہوئے الزام عائد کیا ہے کہ اسرائیل بڑے پیمانے پر نہتے فلسطینیوں پر حملوں میں ملوث ہےجو کہ پوری انسانیت کے خلاف نسل پرستی کے مترادف ہیں۔
انسانی حقوق کی عالمی تنظیم ایمنسٹی انٹر نیشنل کی اس رپورٹ سے قبل گذشتہ اپریل میں ہیومن رائٹس واچ کی جانب سے بھی ایک رپورٹ شائع کی گئی تھی جس میں صہیونی ریاست اسرائیل پر الزام عائد کیاتھا کہ وہ اپنے زیر کنٹرول تمام علاقوں میں فلسطینیوں کے ساتھ امتیازی سلوک کر رہی ہےاور 1948 کی سرحدوں سے باہر کے علاقوں میں نسل پرستی کے جرائم میں ملوث ہے۔
واضح رہے کہ 1977 میں انسانی حقوق کی اس عالمی تنظیم کو حق اور سچ کا ساتھ دینے پر امن کا نوبل انعام بھی دیا گیا تھاجبکہ تنظیم نے اس سے قبل مقبوضہ مغربی کنارے میں اسرائیل کی پالیسیوں کی مذمت کرتے ہوئے اس پر 2014 کے دوران غزہ کی پٹی میں جنگی جرائم کا ارتکاب کرنے کا الزام لگایا تھا لیکن یہ پہلا موقع ہے کہ تنظیم نے سرکاری طور پر یہ اصطلاح استعمال کی ہے۔