(روز نامہ قدس ۔آنلائن خبر رساں ادارہ ) امریکی وزیر خارجہ نے کہا ہے کہ کہ "ہم چاہتے ہیں کہ جنگ کا خاتمہ ہو تاکہ غزہ کی پٹی کے مستقبل کے لیے کام کیاجائے”۔
مقبوضہ فلسطین پر غیر قانونی صیہونی ریاست اسرائیل کے مظالم میں برابر کے شریک امریکہ کے وزیرخارجہ انٹونی بلنکن نےگذشتہ روز ’العربیہ‘ ٹی وی کے ساتھ ایک خصوصی انٹر ویو میں امریکہ کی روایتی منافقانہ پالیسی کے تسلسل کو جاری رکھتے ہوئے کہا ہے کہ کہاکہ حماس کی وجہ سے فلسطینیوں نے اپنی جانوں کی بڑی قربانی دی اور مصائب کا سامنا کیا ہے جس کا ہم کو افسوس ہے ہم چاہتے ہیں کہ جنگ جلد ختم ہوجائے تاکہ قیدیوں کی رہائی ممکن ہو سکے اور غزہ کے مستقبل کے لئے کام کیا جاسکے۔
انھوں نے اسرائیل اور حماس کے درمیان قیدیوں تبادلے کے معاہدے تک پہنچنے کے بارے میں امید کا اظہار کرتے ہوئے کہا ہے کہ واشنگٹن حماس سے نمٹنے کے متبادل طریقوں کا مطالعہ کر رہا ہے اور ہم کو یقین ہے کہ ہم غزہ میں جنگ بندی کے معاہدے تک پہنچنے کے قریب ہیں۔
غزہ کے لیے انسانی امداد کے بارے میں سوال پر بلنکن نے کہا کہ سمندری راہداری غزہ میں امدادی سامان لانے کا متبادل نہیں ہے لیکن یہ موجودہ حالات میں بہترین انتخاب ضرور ہے۔
رفح آپریشن کے حوالے سے انہوں نے واضح کیا کہ واشنگٹن رفح میں بڑے پیمانے پر اسرائیلی زمینی آپریشن کی حمایت نہیں کرتا۔