(روزنامہ قدس ۔آن لائن خبر رساں ادارہ) عینی شاہدین نے بتایا کہ قابض فوج نے علاقے کا گھیراؤ کر کے گھر گھر تلاشی کی بلا جواز مہم کے دوران فلسطینیوں کی قیمتی املاک تباہ کیں اور انہیں انکے خاندان کے سامنے بد ترین تشدد کرکے نوجوانوں کو اغوا کرلیا۔
ذرائع کے مطابق گذشتہ روز قابض اسرائیلی ریاست میں صہیونی فوج نے مقبوضہ بیت المقدس کے شمال مشرق کے علاقے العیسویہ پر دھاوا بولا اور بغیر کسی وجہ کے فلسطینیوں کے گھروں میں داخل ہو کر تلاشی کے بہانے روائیتی توڑ پھوڑ کر کے املاک کو نقصان پہنچایا۔
اس دوران مسلح صہیونی فوج سے بغیر کسی جرم کے متعدد شہریوں کو وحشیانہ تشدد کا نشانہ بنایا جبکہ دونوجوان احمد عبد الحفیظ عطیہ اور اسماعیل یوسف محسن کو گرفتار کر کے صہیونی گاڑی میں ڈال کر نامعلوم مقام پر منتقل کر دیا۔
عینی شاہدین کے مطابق قابض فوج نے علاقے کا گھیراؤ کر کے گھر گھر تلاشی کی بلا جواز مہم کے دوران فلسطینیوں کی قیمتی املاک تباہ کیں اور انہیں انکے خاندان کے سامنے بد ترین تشدد کیا جبکہ دونوں نوجوانوں کو بھی اغوا کر کے لے گئے۔