(روزنامہ قدس ۔آن لائن خبر رساں ادارہ) صہیونی وزیر داخلہ کی آمد پر اسرائیلی پولیس نے محلے کے داخلی راستے بند کر دیئے اور وہاں کے مکینوں کو محدود کرنا شروع کردیاجبکہ تلاشی کے بہانے متعدد فلسطینیوں کو حراست میں لیتے ہوئے نامعلوم مقام پر منتقل کر دیا گیا۔
ذرائع کے مطابق گذشتہ روز قابض اسرائیلی حکومت کی جانب سے صہیونی داخلی سلامتی کے نام نہاد وزیر عومر بار لیو نے مقبوضہ بیت المقدس میں باب العامود کا دورہ کیا۔
واضح رہے کہ فلسطینی مزاحمتی دھڑوں نے بارلیو کے القدس کے پرانے شہر میں باب العمود کے دورے کو الشیخ جراح محلے میں انتہائی کشیدگی کےدوران اشتعال انگیزی کی کارروائی قرار دیا ہے۔
صہیونی وزیر داخلہ کی آمد پر اسرائیلی پولیس نے محلے کے داخلی راستے بند کر دیئے اور وہاں کے مکینوں کو محدود کرنا شروع کردیاجبکہ تلاشی کے بہانے متعدد فلسطینیوں کو حراست میں لیتے ہوئے نامعلوم مقام پر منتقل کر دیا گیا۔
واضح رہے کہ قابض صہیونی فوج مقبوضہ بیت المقدس میں الشیخ جراح کے علاقے میں صہیونی آباد کاروں کی سرپرستی کر تے ہوئے فلسطینی شہریوں پر حملے کر رہی ہے جس کے نتیجے میں دو روز کے درمیان درجنوں فلسطینی گرفتار اور متعدد کے زخمیہونے کی اطلاعات ہیں۔