(روزنامہ قدس ۔آن لائن خبر رساں ادارہ) اسرائیل میں صہیونی فوج کے بلاجواز چھاپے اور پر تشدد کارروائیوں میں خاص طور پر بیت المقدس کے رہائشی فلسطینی خاندانوں کو نشانہ بنایا جاتا ہے اور انہیں اغوا لوٹ مار کے ذریعے القدس سے دور رہنے کی دھمکیاں دی جاتی ہیں۔
قابض صہیونی ریاست اسرائیل میں صہیونی فوج کی پر تشدد چھاپہ مار کارروائی کی گئی جس میں اسرائیلی اہلکاروں نے مقبوضہ بیت المقدس کے علاقے جبل المکبر میں ایک فلسطینی خاتون اور انکے بیٹے کو بغیر کسی جرم کے انکے گھر سے اغوا کرلیا۔
قابض فوج نے فلسطینی خاتون کے گھر کے دروازے کھڑکیوں کے شیشے توڑڈالے اور اہل خانہ کو بدترین تشدد کیا جبکہ روائیتی توڑ پھوڑ کے ذریعے گھر کی قیمتی املاک کو شدید نقصان پہنچایا۔
واضح رہے کہ اسرائیل میں صہیونی فوج کے بلا جواز چھاپے اور پر تشدد کارروائیوں میں خاص طور پر بیت المقدس کے رہائشی فلسطینی خاندانوں کو نشانہ بنایا جاتا ہے اور انہیں اغواء لوٹ مار کے ذریعے القدس سے دور رہنے کی دھمکیاں دی جاتی ہیں تاہم فلسطینی شہری قبلہ اول کی حفاظت کے لیے مسجد اقصیٰ میں جمعہ کی نماز فجر سے قبلہ اول میں جمع ہو نا شروع ہو جاتے ہیں اور سخت تکالیف کے بعد بھی مختلف طریقوں سے القدس کے نزدیک رہنے کی کوششیں جاری رکھتے ہیں۔