القدس میں فلسطینی بچے کی شہادت پرشہریوں کی عام ہڑتال 

(روزنامہ قدس ۔آن لائن خبر رساں ادارہ) صہیونی  فوجی بربریت کےہاتھوں ایک ہی ہفتے میں فلسطینیوں کے قتل عام کی یہ تیسری واردات ہے جس میں بچوں کو ہراساں کرنے انہیں تفتیشی مراکز میں لے جاکر زدوکوب کرنا اور سرراہ تشدد کا نشانہ بنانا شامل ہے۔

ذرائع کے مطابق گذشتہ روز مقبوضہ مشرقی بیت المقدس کے علاقے العزاریہ میں ابو دیس قصبے میں صہیونی ریاستی دہشت گردی کا نشانہ بننے والے 16 سالہ فلسطینی بچےیامن نافز جفال  کی شہادت پر شہریوں میں شدید غم و غصہ دیکھنے میں آیااور بچے کی تدفین کے موقع پر شہریوں کی جانب سے ایک روز سوگ کا اعلان کیا گیا۔

صہیونی فوج نے فلسطینی بچے کو علاقے میں پر تشدد کا رروائی  کے دوران گولیوں کا نشانہ بنایا تھا اوراس وقت تک طبی عملے یا بچے کے والدین کا اس کے قریب نہیں آنے دیا تھا کہ جب تک بچے کی شہادت کی تصدیق نہ ہو گئی۔

صہیونی فوجی بربریت کےہاتھوں ایک ہی ہفتے میں فلسطینیوں کے قتل عام کی یہ تیسری واردات ہے جس میں بچوں کو ہراساں کر نے انہیں تفتیشی مراکز میں لے جاکر زدوکوب کرنااور سرراہ تشدد کا نشانہ بنانا شامل ہے۔